CAVITE – Arestado ang tatlong indibidwal na pawang nasa listahan ng street level individuals (SLI) ng pulisya, makaraang makumpiskahan ng tinatayang P102,000 halaga ng hinihinalang shabu sa isinagawang buy-bust operation sa Dasmariñas City noong Huwebes ng gabi.

Kinilala ng Dasmariñas Component City Police Station ang mga suspek na sina alyas “Rizaldy”, “Christopher”, at “Narel”.

Ayon sa ulat, bandang alas-8:00 gabi, nagsagawa ng buy-bust operation mga operatiba ng Provincial Drug Enforcement Unit (PDEU) ng Cavite Police Provincial Office (PPO), at Dasmariñas CPS sa Sitio Humayao, Brgy. Langkaan 2, Dasmariñas City, Cavite na nagresulta sa pagkakaaresto sa mga suspek.

Nakuha sa kanila ang tinatayang 15 gramo ng hinihinalang shabu na may street value na P102,000, buy-bust money, cellphone at isang green na coin purse. (SIGFRED ADSUARA)